Toga at Diploma (para kay Jessa)

by Yas Jayson Wednesday, April 01, 2009 10 palagay

Nung bata tayo, lagi akong galit sayo. Di ko alam. Mas matatangkad kasi kayo sa aken. Naalala mo yung picture naten na may hawak akong gitara tapos umiiyak ka habang nakatwa ako? nawawala ko na nga ata eh. Basta. dati, ayokong binibiro mo ko. kuya ako eh.

nung naghigh school ako at grade five ka ata nun, laging sinasabi ni mama na turuan kita sa mga assignments mo. tinuturuan naman kita. kaso pinapaiyak muna kita.

nung ikaw naman ang naghighschool, malapit na kong grumadweyt. inaasar pa rin kita. one time nga ata, muntik na kitang masapak. sori. ehe. at least di na ngayon. malaki ka na eh.

nung namatay si mama, kinuha kayo ni tita jean. sa marilao na kayo ni julius nag-aral. sa friendster ko na nga lang nakikita ang update tungkol sa mga naging buhay natin pagkatapos ang lahat. nag-mature ka na. nagdalaga. di katulad nung bata sa picture na nawala ko. takot kasi ako magtanong senyo. kung ano nang buhay nyo. natatakot kasi ako na baka akalain nyo na naging emosyonal ako pagkatapos mamatay ni mama. di totoong naging emosyonal ako. ayoko lang na tinatanong talaga kayo. kasi nga, mayabang ako.

kanina, tinext kita. kinakabahan ka kasi kung pasado ka sa entrance exams mo. tinanong ko kung ready ka na sa graduation mo mamyang gabi. di ko alam kung ikakahiya mo ko o itatakwil. ang reply mo; "kuya, kahapon kaya, hmmf.. daya mo di mo tuloi nakita maganda mong kptd." basag. tatawa ba ako o magpapatiwakal? im sure maiintindihan ako ni jesa. malaki na xa.

"o?xenxa, nawala ako sa oras. hamo, libre na lang kita pag-uwi mo".

"dami mo ngang utang eh. hehe cge."

kapatid... sori sa mga pagkukulang ko. sa mga kagaguhan ko. sa mga hindi ko nagwa. sa mga pangako ko. nung sinabi ng neurologist na wala na si mama, di kita nakitang humagulgol katulad ng batang lagi kong inaasar tuwing magpapagawa ka ng assignments. umupo ka lang sa tabi, niyakap si hab at hana, at duon, maski nanggigilid ang luha, tinuruan mo silang mag-pray. nanghihina ako habang sinusulat ko to. nag-mature ka na. nagdalaga. anlaki mo na kasi. mas matangkad ka na sakin ng dalawang pulgada. pwede mo na kong ipasapak sa barkada ng manliligaw mo. pero natutuwa ako. kasi... yun nga, nakakatuwa,. malaki ka na. at maski gago ako, proud akong makita kung ano nang naabot ng kapatid ko... babawi talaga ako. next time.


gusto ko tong sabihin sayo. kaso talagang nahihiya ako. gusto kitang i-congratulate. kaso... kaso.. wala. tameme ako at manhid para magdrama.


pero isang bagay ang sigurado ako. sobrang ipinagmamalaki kita. at bilang kuya, ittreat kita pag-uwi mo. pangako.





lilibre kitang kwek kwek.