Pagkatapos ng Isang Taon

by Yas Jayson Sunday, December 30, 2007 4 palagay

Eksaktong isang taon na ang lumipas pagkatapos na una kong pagtatangkang maghanap ng sarili sa isang uri ng buhay na sa tingin ng marami eh wirdo. Isang pagtatangkang pumalya at iniwan akong naghantay ng maraming buwan upang bantayan ang gate o ang telepono namin sa isang taong magsasabi sa akin na ako ay pumasa, natanggap at kwalipikado. Kaso ang nangyare, di dumating yung pagkakataong yun na dumating sa akin.

Pero di ko pinabayaan ang sarili kong magmukmok at manatiling nakalubog sa sitwasyon ng isang talunan. Hinanap ko ulet ang sarili ko sa isang pangarap na ako ang gagawa at ako ang masusunod. At yun, okupado ako ng buhay na minahal ko na at patuloy kong mamahalin hanggat kaya ng mapangarapin kong puso.

Lumiban sa akin ang pangarap kong maging Rogasyonista. Di ko na pinagsisihan yun.

May plano ang lokong nasa itaas para sa akin.

Gusto kong lumipad. At sa paglipad, nadapa ako at muling bumangon pataas. Salamat sa pagdapang yun dahil kung hindi, wala ako sa kawirdohang ito.

Alam ko yun.

At gusto kong malaman ng lahat ng tao yun.