Pipinid ang gabi at
lalatag ang panibagong araw
dala ang mga ala-ala mo
ng mapulang lansangan ng Plaza Miranda
ng pag-asang hinugot sa Malate
ng masasayang lakarin ng Binondo
at ang matitingkad na kulay
ng dalampasigan ng Bolinao.
Dumating kang dala
ang ulan sa iyong sinapupunan
at lilisan ring madali
katulad ng paghampas ng alon
sa maitim na buhanginan ng Lingayen -
rumaragasang darating kasama ang alon
uuwing banayad, marahang marahan.
1 palagay:
love it!
Post a Comment