HOW MANY LIVES WILL YOU CHANGE THIS YEAR?

by Yas Jayson Wednesday, February 03, 2010 9 palagay god of greater scheme street lessons the few things i hold on to

- yan ang tanong ng isang billboard ng isang telecom company sa kahabaan ng Katipunan na lagi kong nakikita tuwing pauwi ako. Nakasulat sa malalaki at ultra bold na fonts, yan din ang tanong na ginawa kong personal goal ngayong taon na to. Napakasimple ng ad. Walong salita at isang larawan sa puting background. Magtatatlong buwan palang na nakabandera sa kalsada.
Naka-ilan na nga ba ako? Tatlumpu't dalawang araw simula ng magsimula ang taon, wala pa din akong magunitang kunkretong pagkakataon na may isang buhay akong nabago o, sa isang safe at walang dispute na statement ay, na-inspire.

Ilan ba dapat? Sino ba dapat? Sumasakit ang migraine ko.
Hindi naman siguro layon ng ad na yun na maging Winston Churchill o Barack Obama o Oprah Winfrey tayong lahat. Pero nakakatuwang isipin na sa pamamagitan ng isang tanong sa isang ultra laking billboard nagkakaroon ng kahulugan at dahilan ng pagpipilit ng isang tao na maging mabuti at kapakipakinabang. Tapos na ang panahon ng mga hinahating dagat at mga tubig na nagiging alak at hindi na din uso ang mga burning bush. Patuloy ang mga araw araw at ang mga gabi gabi.

Mataimtim at naghihintay ang bawat paggising.

+++
Ang nangyari sa nakaraang blog ay walang kinalaman sa isang ito. At oo, sa sobrang galit ko, pinatawad ko sila. Napaka-wirdo ko talaga.