La Puta

by Yas Jayson Monday, September 25, 2023 0 palagay diliman diliman excuse letter

Hi, Sam. Tanda mo ang ilang Pasko at Bagong Taon na pare-parehas tayong ulila sa Katipunan? Mga panahong idolo kita dahil parang alam na alam mo na ang life project mo. Ang husay mo, yung tipong lowkey pero kapag nagkwentuhan na, pucha mapa-Hogwarts man yan or Economics eh napapanganga ako. Sagrado man o karnal, malaliman o mababaw na usapan, kaibig-ibig ka lagi pakinggan. At marunong ka rin makinig gamit ang puso mo.

Sa lipunang maari kang maging kahit sino, pinili mo ang maging guro. Kasi sabi mo, sino ang hahamon sa mga susunod na henerasyon na magmahal at magsuri? Kaya nagturo ka sa Pisay.

Pagpasok ko ng seminaryo, isa lang ang bilin mo: Pangatawanan mo yang hayop ka.; maging mabuti kang Father Elias. Naging mas madalang ang usap natin, nung birthday ko, ikaw ang humingi ng pabor - panalangin. Ambilis, dati covid covid lang usapan natin ngayon, Stage 3 agad. Napakadaya, ang tapang mo.

Umiinom ng gawa mong lemonda, sa pagitan ng mga upos ng sigarilyo, habang matingkad ang kulay ng langit sa balkonahe mo. "Elias, paano ba mag-start ng devotion?" Dun ko naramdaman na dinadala ka ng tapang mo palapit sa Diyos. Sa totoo naman, hindi ka lumayo kahit kaylanman. Minsan, walang pangalan ang Diyos sayo. Madalas, sigurado kang sya ang tumawag at umiibig sayo.

Kaya pala nitong mga nakaraang mga araw, bukambibig ko ang kantang "Stay With Me, Lord" eh hindi naman ako deboto ni Padre Pio. With matching teary eyes pa minsan kapag kinakanta ko habang naka-upo sa inodoro. Paulit-ulit, ilang araw na ganun. Sabi ng kanta:

Stay with me Lord, that I may never forget you.

Stay with me Lord, because I'm weak.

Yun pala ang mga araw na hinang-hina ka na. Hindi ko man lingid noon, naiintindihan ko ngayon na hinehele ka ng mga panalangin ko kasi hindi biro ang kirot ng sanlibong karayom. Bisperas ng pista ni Padre Pio, sinundo ka nya pabalik sa Bathala ng mga bahaghari, ng mga bituin, ng mga kalupaan, ang ng lahat ng mga nasa pagitan. Salamat naman, tapos na ang mga pasakit.

Pahapon na ngayon, katulad noong huli nating pagkikita. Salamat sa kakaibang pagkakaibigang nabuo sa Katipunan. Hindi mo man akalain, kasama ka sa mga humubog sa akin. Natuto akong umibig nang lubos at maglaan ng buhay sa makabuluhang bokasyon.

Samahan ka nawa ng mga pusa sa langit. Isang mataas na pagpupugay sa'yo.